Islla d'Ellesmere

Islla d'Ellesmere
Alministración
País	Canadá
Territorio (es)	Nunavut
Tipu d'entidá	islla
Capital	Grise Fiord (es)
Xeografía
Coordenaes	79°50′00″N 78°00′00″W / 79.833333333333°N 78°O / 79.833333333333; -78
Superficie	196235 km²
Puntu más altu	Pico Barbeau (es)
Altitú media	2616 m
Demografía
Población	146 hab.
Densidá	0 hab/km²
Más información
Estaya horaria	Horariu del este de Norteamérica y Hora Estándar Central

La Islla de Ellesmere (n'inglés, Ellesmere Island; en francés, Île d'Ellesmere) ye la más septentrional de toles islles del Archipiélagu Árticu Canadiense, ya integrante del grupu de les Islles de la Reina Isabel.

Con una área de 196.235 km², por tamañu, ye la 3ª islla de Cánada y la 10ª del mundu (pocu más pequeña que Gran Bretaña, que con 218.000 km², ye la 8ª del mundu). La cordal Árticu percuerre casi tola islla, polo que tamién ye la más montascosa del archipiélagu árticu y de la mesma, la mayor islla na que conviven grandes especies animales, como'l llobu árticu, el güe almizcleru, el caribú y l'osu polar. Salix arctica, un tipu de sauce, ye la única especie maderiza que crez nesi ambiente.^[1]

Na islla ta l'asentamientu emplazado más al norte del mundu, Alert, una base científica dende onde parten munches de les espediciones al polu norte, y coles mesmes ye'l so puntu más septentrional, cabu Columbia, el puntu habitáu más septentrional de la tierra non continental, amás de Groenlandia. Alministrativamente, la islla pertenez al territoriu de Nunavut y a la Rexón Qikiqtaaluk.

1. ↑ Ed Kemmick (25 d'ochobre de 2007). Researcher: Study of poles needed. Billingsgazette.net. http://www.billingsgazette.net/articles/2007/10/25/news/local/38-poles.txt. Consultáu'l 25 d'ochobre de 2007.